Prezident ZŠA Barak Abama na sustrečy z hienieralnym sakratarom NATA Jensam Stałtenbierham abvinavaciŭ Rasiju ŭ tym, što jana zajmaje ŭsio bolš ahresiŭnuju pazicyju ŭ dačynieńni da Ukrainy.
«My mieli mahčymaść abmierkavać situacyju va Ukrainie, a taksama ŭsio bolš ahresiŭnuju pazicyju, jakuju zajmaje Rasija», — zajaviŭ Abama paśla pieramovaŭ sa Stałtenbierham.
Abodva palityki jašče raz padkreślili, što baki kanfliktu pavinny pavažać minskija pahadnieńni, jakija, pa słovach hienieralnaha sakratara NATA, usio jašče mohuć być «šlacham da miru».
Pres-sakratar rasijskaha prezidenta Dźmitryj Piaskoŭ zajaviŭ, što słovy Abamy nie majuć patreby ŭ kamientary, pakolki ŭ Kramli «ŭžo čuli zajavy takoha kštałtu».
Misija ABSIE na Danbasie paviedamiła ŭ aŭtorak, što minskija pahadnieńni pastajanna parušajucca abodvuma bakami kanfliktu.
