Tryccacisiamihadovy biełaruski asiłak, paŭerliftar Kirył Šymko ŭstalavaŭ suśvietny rekord, ssunuŭšy ź miesca i za dva padychody praciahnuŭšy na 1,43 mietra 118-tonny viežavy kran.
fota BiełaPAN
Rekord byŭ ustanoŭleny na placoŭcy budaŭnictva novabudoŭli ŭ žyłym kompleksie «Čajkoŭski» na staličnaj vulicy Cimirazieva ŭ prysutnaści šmatlikaj publiki i pradstaŭnikoŭ Knihi rekordaŭ Hinesa.
Pierad ustanaŭleńniem rekorda Šymko adznačyŭ, što ideja ssunuć viežavy kran «naradziłasia spantanna». Spartsmien raskazaŭ, što jaho zaprasili na internet-resurs realt.by u jakaści ekśpierta pa nieruchomaści i «paprasili ssunuć rynak nieruchomaści». Šymko, u svaju čarhu, prapanavaŭ «zrabić heta ŭ litaralnym sensie». «Što moža bolš asacyjavacca ź nieruchomaściu, kali nie viežavy kran», — rastłumačyŭ asiłak.
fota Siarhieja Zinina
Na rachunku Kiryła Šymko šerah dasiahnieńniaŭ, u tym liku zaniesienych u Knihu rekordaŭ Hinesa. Tak, viasnoj 2007 hoda Kirył Šymko i Pavieł Saroka ssunuli ź miesca i za chvilinu praciahnuli na 6,5 mietra čyhunačny sastaŭ ź piaci vahonaŭ ahulnaj masaj 250 ton. Letam 2007 hoda hetyja ž asiłki praciahnuli na try mietry samalot Ił-76 masaj prykładna 150 ton u nacyjanalnym aeraporcie Minsk.
BiełaPAN
Viasnoj 2008 hoda na terytoryi «Linii Stalina» Šymko i Saroka praciahnuli na 5,1 mietra tank T-34 vahoj amal u 31 tonu, što było zafiksavana pradstaŭnikom Knihi rekordaŭ Hinesa.
Vosieńniu 2011 hoda Šymko praciahnuŭ 55-tonny karjerny samazvał «BiełAZ», a viasnoj 2013 hoda na adkryćci handlovaha centra «Arena-Sici» ŭ Minsku jon praciahnuŭ bolš jak na dziesiać mietraŭ siem sčeplenych pamiž saboj mikraaŭtobusaŭ. Vosieńniu 2013 hoda ŭ Maskvie Šymko praciahnuŭ za saboj saviecki tank T-26 masaj 11,5 tony, što taksama znajšło adlustravańnie pradstaŭnikom Knihi rekordaŭ Hinesa.
BiełaPAN
