Apošnim časam usio čaściej u nieadpaviednych dla hetaha miescach žycharam Sievastopala sustrakajucca zvałki, piša miascovaje vydańnie «Naviny Sievastopala».
U redakcyju vydańnia prychodziać aburanyja listy — naprykład, takoje, ad nieabyjakavaj žycharki horada:
«Takoj zvałki nie było navat pry Ukrainie. Heta na vulicy imia Hieroja Savieckaha Sajuza Ivana Hałubca, kala tralejbusnaha prypynku «Vulica Simfieropalskaja», pamiž paštovym adździaleńniem №3 i spartyŭnaj škołaj №2, nasuprać škoły «Raźvićcio».
Na fatahrafii vidać, što śmiećcie tut nazapasiłasia nie za adzin dzień, a heta aznačaje, što ŭłady ŭžo daŭno zapluščvajuć vočy na dadzienuju prablemu. Budziem spadziavacca, što ŭ bližejšy čas chto-niebudź z pradstaŭnikoŭ ułady źviernie svaju ŭvahu na hety ŭčastak horada i narešcie naviadzie tut paradak».
