Pravasłaŭnyja i kataliki siońnia śviatkujuć Dzień Śviatoj Trojcy (Siomuchu) — adno z najvialikšych śviataŭ.
Dzień Śviatoj Trojcy ŭ pravasłaŭnych adznačajecca ŭ piacidziasiaty dzień paśla Vialikadnia, u niadzielu, tamu hety dzień jašče nazyvajuć Piacidziasiatnicaj abo Siomuchaj.
Spasłańnie Śviatoha Ducha na apostałaŭ apisana ŭ Dziejach śviatych apostałaŭ. Apostały znachodzilisia ŭ Sijonskaj śviatlicy ŭ Jerusalimie. Raptoŭna pačuŭsia šum ź nieba, jak by ad pavievu mocnaha vietru, i napoŭniŭ uvieś dom. I źjavilisia im jazyki padzielenyja, jak by ahniavyja, i apuścilisia pa adnym na kožnym ź ich. Usie spoŭnilisia Ducha Śviatoha i stali słavić Boha na roznych movach, jakich raniej nie viedali.
Spasłańnie Śviatoha Ducha na apostałaŭ u katalikoŭ było ŭ minułuju niadzielu, a siońnia Trojca. U katalikoŭ — heta dva roznyja śviaty. U Pravasłaŭnaj Carkvie — adno.
U biełarusaŭ na Siomuchu pryniata ŭpryhožvać chramy i chaty biarozavymi halinami, ajeram, travoj i kvietkami.
