«Hetaja vyjava ŭtrymlivaje simvał, jaki vykarystoŭvali kamunistyčnyja ŭrady Savieckaha Sajuza, inšych jeŭrapiejskich krain i źviazanyja ź imi arhanizacyi. U zaležnaści ad kantekstu, vykarystańnie hetych simvałaŭ moža być niezakonnym u Vienhryi (Kryminalny kodeks Vienhryi 269/B.§ (1993), Łatvii, Litvie, Ukrainie, Polščy i Hruzii», — paznačana ŭ apisańni da dziaržaŭnaha hierba Biełarusi.
U pieraličanych krainach dziejničajuć zakony, jakija zabaraniajuć kamunistyčnuju i nacysckuju simvoliku. Ale, jak praviła, tam ža asobna prapisana i toje, što dziejsnaja dziaržaŭnaja simvolika nie ličycca niezakonnaj.
Praŭda, u tamtejšych pravaachoŭnikaŭ budzie lišniaja nahoda «pryčapicca», kali im na vočy patrapicca aficyjny biełaruski hierb z čyrvonaj zorkaj — kamunistyčnyja simvały tak padobnyja adzin da adnaho, što ciažka razabracca, ci jany jašče dziejsnyja, ci ŭžo zabaronienyja.
Zaviedzienaja adkaznaść za vykarystańnie nacysckich albo savieckich simvałaŭ — štraf ci ŭmoŭny termin.
