Fota: blizko.by
Minski kinateatr «Pieramoha» zakryjecca na rekanstrukcyju z 8 červienia pa 1 kastryčnika, paviedamlaje «Minsk-Naviny».
«Pieramoha» zastałasia apošnim kinateatram u Minsku bieź ličbavaha abstalavańnia. A kino na stužcy ŭžo amal nie vypuskajecca.
Jak raspavioŭ hiendyrektar «Kinavideaprakatu», rašeńnie abumoŭlenaje ekanamičnaj metazhodnaściu: apošniuju «nialičbavuju» zału addali pad prahramy aŭtarskaha kino, a takija filmy mała hladziać letam, u siezon adpačynkaŭ. A kab pieravieści «Pieramohu» na ličbavaje abstalavańnie, patrebnaja najpierš restaŭracyja i rekanstrukcyja.
U suviazi z tym, što budynak jość pomnikam architektury, prajekt poŭnaj rekanstrukcyi ŭniesieny ŭ inviestycyjnuju prahramu horada — samastojna «Kinavideaprakat» nie zmoža vykanać padobnyja raboty. Padčas sioletniaj restaŭracyi buduć praviedzienyja abśledavańni, što pakažuć, kolki «Pieramoha» jašče «pražyvie» biez poŭnaj rekanstrukcyi.
***
Kinateatr «Pieramoha» jość najstarejšym ź dziejnych kinateatraŭ Minska. Jon adkryŭsia ŭ 1950 hodzie, siońnia budynak uniesieny ŭ śpis historyka-kulturnych kaštoŭnaściej.
Minskija kinateatry pačali pierachodzić na ličbavy farmat u 2009 hodzie. Pieršym ličbavym staŭ «Kijeŭ».
