Dziaržaŭnaje ahienctva Ukrainy pa pytańniach kino apublikavała na svaim sajcie śpis zabaronienych va Ukrainie filmaŭ i sieryjałaŭ.
4 červienia ŭstupiŭ u siłu ŭkrainski zakon «Ab uniasieńni źmianieńniaŭ u niekatoryja zakony Ukrainy adnosna abarony infarmacyjnaha tieleradioprostranstva Ukrainy».
Zhodna z zakonam z 4 červienia 2015 hoda padpadajuć pad zabaronu lubyja filmy, «u jakich utrymlivajecca papularyzacyja, ahitacyja, prapahanda i h.d. lubych dziejańniaŭ pravaachoŭnych orhanaŭ, uzbrojenych sił, inšych uzbrojenych, vajennych abo siłavych farmiravańniaŭ dziaržavy-akupanta».
Akramia hetaha, zakon praduhledžvaje zabaronu ŭsich filmaŭ, vyrablenych fizičnymi abo jurydyčnymi asobami dziaržavy-ahresara paśla 1 studzienia 2014 hoda. Pad hetuju zabaronu padpadajuć 162 nazvy filmaŭ i telesieryjałaŭ, jakim Dziaržkino Ukrainy anulavała prakatnyja paśviedčańni.
Dadzienaja zabarona tyčycca tolki tranślacyi hetych filmaŭ na telebačańni i nie abmiažoŭvaje mahčymaść ich prahladu ŭ kinateatrach.
Namieśnik Ministra kultury Raścisłaŭ Karandziejeŭ adznačyŭ, što ŭ ciapierašni čas Ministerstva kultury rychtuje pieralik asob, jakija stvarajuć pahrozu nacyjanalnaj biaśpiecy Ukrainy.
Zakonam praduhledžana, što filmy, udzielnikami jakich byli asoby, jakija trapili ŭ taki śpis, taksama buduć padpadać pad zabaronu dla demanstracyi i raspaŭsiudžvańnia na Ukrainie.
U liku zabaronienych rasijskich filmaŭ — «Fizruk», «Kuchnia ŭ Paryžy», «Maładziožka», «Varoniny», «Arłova i Alaksandraŭ», «Dom ź lilejami» i inšyja.
