Jaje aŭtar - historyk i kraŭjaznaviec Andrej Bliniec — raspaviadaje pra dźvie vajennyja padziei, jakija abjadnoŭvaje adno miesca zdareńnia. Adnak jany adbylisia ŭ rozny čas i mieli roznaje značeńnie.
Razhrom krymskich tatar pad Kleckam u 1506 h. charuhvami vojska VKŁ pad kamandavańniem kniazia Michaiła Lvoviča Hlinskaha staŭ znakavaj padziejaj pačatku XVI st. Pra hetu pieramohu dobra viedali sučaśniki, pra jaje nie zabylisia naščadki.
Bitva pamiž šviedskimi adździełami i rasijska-ŭkrainskim korpusam, jakaja adbyłasia 19 krasavika 1706 h., zastajecca małaviadomym epizodam Paŭnočnaj vajny. Navat śpiecyjalisty mała što mohuć pra jaho skazać.
Častkova takoje adroznaje staŭleńnie da padziej možna zrazumieć. U 1506 h. z paŭdniovymi ahresarami bilisia našy prodki, u bitvie vyrašaŭsia los našych ziamiel. Svaich blizkich čakali z pachodu ŭ Navahradku, Lidzie, Miensku…
U 1706 h. na našaj terytoryi zvodzili rachunki pamiž saboj mocnyja i ahresiŭnyja susiedzi. Pieramoha, jakuju zdabyli šviedy, pryniesła słavu čužoj zbroi. Naŭrad ci ŭ Miensku, Vaŭkavysku ci Słonimie mocna biedavali z takoj nahody. Tym nie mienš, padziei trochsothadovaj daŭniny — taksama častka našaj historyi. Bitva pamiž šviedskimi i rasijska-ŭkrainskimi złučeńniami viasnoju 1706 h. stała kulminacyjaj bajavych dziejańniaŭ u Navahradskim vajavodstvie padčas Vialikaj Paŭnočnaj vajny.
U dadatkach da knihi źmieščany šerah małaviadomych dakumientaŭ XVI i XVIII stst., niekatoryja ź jakich drukujucca ŭpieršyniu.
Kniha pradajecca ŭ najlepšych kniharniach Minska i Biełarusi, a taksama ŭ internet-kramach.
