U suviazi ź niezakonnaściu raźmiaščeńnia dvuch naftabaz kala vioski Krački Vasilkoŭskaha rajona Kijeŭskaj vobłaści ŭ niepasrednaj blizkaści z vajennaj častkaj raspačataja kryminalnaja sprava.
Pra heta zajaviŭ sakratar RNBA Alaksandr Turčynaŭ, paviedamlaje pres-słužba viedamstva.
Turčynaŭ adznačyŭ, što akramia raspačaćcia kryminalnych spraŭ, źviazanych z uźniknieńniem pažaru i hibiellu ludziej, taksama «raspačataja kryminalnaja sprava ab niezakonnaści raźmiaščeńnia dvuch naftabaz u niepasrednaj blizkaści ad vajskovaj častki».
«Naftabazy niezakonna pabudavali ŭ časy Janukoviča, kali hrošy vyrašali lubyja pytańni», — skazaŭ jon, adznačyŭšy, što pa hetaj spravie ŭžo pačałasia kanfiskacyja dakumientaŭ.
«Usie datyčnyja da stvareńnia hetaj niebiaśpiečnaj situacyi — chto davaŭ dazvoł na raźmiaščeńnie baz, chto padpisvaŭ dakumienty — buduć siadzieć na łavie padsudnych», — padsumavaŭ sakratar RNBA.
Jak viadoma, pažar na naftabazach ŭ Vasilkoŭskim rajonie sprabujuć patušyć ŭžo amal sutki.
U DSNS taksama paviedamili, što pa stanie na 14:30 aŭtorka raspaŭsiudžvańnie ahniu na lasnyja masivy pablizu ačaha pažaru spyniena.
Na miescy dziažurać 4 adzinki techniki DSNS, što kantralujuć situacyju. Płošča raspaŭsiudžvańnia ahniu na les była niaznačnaj (100-150 mietraŭ).
