U suviazi ź vialikim popytam na kvitki na śpiektakl «Biblija kniazia Radziviła» Moładzievy teatr estrady zładzić anłajn-tranślacyju na Ustream. Heta stanie adnoj ź pieršych anłajn-tranślacyj śpiektaklu ŭ Biełarusi.
Pahladzieć tranślacyju možna budzie na kanale ruhavik. Pačatak siońnia a 19:00.
Śpiektakl pryśviečany 500-hodździu z naradžeńnia Mikałaja Radziviła Čornaha — miecenata, lidara ruchu Refarmacyi ŭ Vialikim Kniastvie i namieśnika vialikaha kniazia. «Biblija kniazia Radziviła» budzie pakazvacca ŭ Moładzievym teatry estrady tolki 10 i 11 červienia.
Padziei «Biblii kniazia Radziviła» pačynajucca ŭ 1551 hodzie, kali pamiraje karaleva Barbara, siastra Mikałaja Radziviła Čornaha, a zatym i jaho małodšy brat Jan, ź jakim tak i nie atrymałasia pamirycca. Razam z tym u Mikałaja Radziviła narastaje napružańnie z žonkaj Alžbetaj.
«Užo tydzień tamu kvitkoŭ nie było, — raspavioŭ «Našaj Nivie» stvaralnik inicyjatyvy «Ruchavik» Andrej Kim. — Arhanizatary dastavili jašče kresły, ale i hetyja miescy ŭžo amal raskupili».
Pavodle jaho słoŭ, na momant publikacyi zastaŭsia chiba dziasiatak kvitkoŭ na zaŭtrašni śpiektakl.
***
Hladzicie taksama: Čamu Radziviła Čornaha klejać na biłbordy?
