Za minułyja sutki na Danbasie zahinuli šaściora ŭkrainskich vajskoŭcaŭ, jašče čatyrnaccać atrymali ranieńni. Pra heta ŭ subotu, 13 červienia, na bryfinhu zajaviŭ śpikier Antyterarystyčnaj apieracyi Andrej Łysienka, pieradajuć ukrainskija ŚMI.
Ukrainskija siły panieśli straty na Danieckim i Łuhanskim kirunkach. Na Maryupalskim kirunku strat nie było.
Heta najbolšyja straty ŭkrainskaj armii ad momantu ataki bajevikoŭ na Marjinku ŭ pačatku červienia. I adny z najbolšych ad času zaklučeńnia pieramirja ŭ Minsku, što ŭstupiła ŭ dziejańnie z 15 lutaha.
U vyniku mocnaha minamiotnaha abstrełu ŭčora bajeviki taksama pierabili hazapravod Kramatorsk— Maryupal, pakinuŭšy biez hazu ŭkrainskija harady na ŭźbiarežžy Azoŭskaha mora.
0
0
0
0
0
0