Tut i nižej: Jakub Rozalski, raboty z cykłu «1920+ project»
«Ja maluju jak adčuvaju i jak lublu», — raspaviadaŭ polski mastak Jakub Razalski print24.com. Na jaho karcinach mirnyja piejzažy Polščy XX stahodździa spałučajucca z hihanckimi dyzielpank-robatami.
Razalski pačaŭ malavać zadoŭha da źjaŭleńnia kampjutarnaj hrafiki, ale siońnia ŭžo maluje na kampjutary ci hrafičnym płanšecie. Jon vykarystoŭvaje kłasičny styl piejzažaŭ i sučasnyja kancepcyi futurystyčnych dy retrafuturystyčnych mašyn. U jaho rabotach pieravažajuć spakojnyja kolery i statyčnyja kampazicyi.
Raboty cykłu «1920+ project» natchnionyja histaryčnymi padziejami: polska-savieckaj vajnoj dy bitvaj za Varšavu 1920 hoda. Apošniaja ličycca adnoj z najbolš važnych histaryčnych padziej, bo prypyniła čyrvonuju revalucyju dy šmat u čym vyrašyła los Jeŭropy, adznačaje mastak. Polšča była pieršaj krainaj, što akazała supraciŭ balšavikam, kaža jon.
Pieršym natchnieńniem u śviecie hihanckich robataŭ jon nazyvaje piaty epizod «Zornych vojn». Niekatoryja jaho robaty nahadvajuć mašyny śvietu Mechwarrior, inšyja — ilustracyi da ramanaŭ Hierbierta Uełsa albo videahulni Warhammer, Bioshock ci Starcraft. Traplajucca i bajavyja miadźviedzi, tyhry ci zubry. Časam zaŭvažnyja elemienty Druhoj suśvietnaj vajny albo japonskija matyvy.
Bahata rabot Razalskaha možna pabačyć na ArtStation >>>
«Ja chaču pakazać historyju i kulturu svajoj radzimy najbolš aryhinalnym i niezvyčajnym čynam sučasnaj aŭdytoryi, tamu miechi padyšli daskanała», — kaža Razalski.
