Na dośvitku 23 červienia palicyja Armienii razahnała siadziačy pikiet na prajeznaj častcy praśpiekta Bahramiana ŭ centry Jerevana. Siłavaja apieracyja pačałasia ŭ 05.25 pa miascovym časie paśla nieadnarazovych papiaredžańniaŭ ab niezakonnym charaktary mierapryjemstva.
Vysokapastaŭlenyja palicejskija, da taho, jak puścić u chod vadamioty, pastajanna zaklikali niekalkich socień maładych aktyvistaŭ fejsbukaŭskaha ruchu «Nie rabunku!» viarnucca na Płošču Svabody i tam, nie stvarajučy pieraškod dla pracy staličnaha transpartu, praciahnuć svaju akcyju.
Niaznačnaja častka ŭdzielnikaŭ akcyi suprać pavyšeńnia taryfaŭ na elektraenierhiju pahadziłasia z patrabavańniami palicejskich, adnak bolšaść stała supraciŭlacca. U vyniku razhonu, jaki doŭžyŭsia kala 15 chvilin, mnohija ŭdzielniki akcyi pratestu zabranyja ŭ palicyju.
