Naminalny naličany siaredniamiesiačny zarobak rabotnikaŭ Biełarusi ŭ studzieni—mai skłaŭ Br6 młn 380,1 tys. Siaredniaja zarpłata ŭ mai dasiahnuła Br6 młn 687,6 tys., jana pavialičyłasia ŭ paraŭnańni z krasavikom na 2,3%, abo na Br151,5 tys., paviedamili ŭ Nacyjanalnym statystyčnym kamitecie.
Realnaja zarabotnaja płata (zarabotnaja płata, raźličanaja z ulikam rostu spažyvieckich cen na tavary i pasłuhi) u studzieni—mai 2015 hoda ŭ paraŭnańni sa studzieniem—majem 2014 hoda źmienšyłasia na 3,2 pracenta. Realnaja zarpłata ŭ mai ŭ paraŭnańni z krasavikom hetaha hoda pavialičyłasia na 1,6%.
Pavodle apieratyŭnych danych Biełstata, u mai ŭ pramysłovaści siaredniaja zarabotnaja płata skłała Br6 młn 952,6 tys., u budaŭnictvie — Br7 młn 660,3 tys., na transparcie i ŭ suviazi - Br7 młn 469,6 tys., u sielskaj i lasnoj haspadarcy - Br5 młn 28,4 tys. U adukacyi jana była Br4 młn 996,1 tys., u tym liku nastaŭnikaŭ — Br6 młn 154,4 tys., prafiesarska-vykładčyckaha składu — Br8 młn 32 tys. Zarabotnaja płata rabotnikaŭ achovy zdaroŭja ŭ mai skłałasia ŭ pamiery Br5 młn 639,9 tys., siaredniaja zarabotnaja płata daktaroŭ skłała Br9 młn 167,3 tys., siaredniaha miedycynskaha piersanału — Br5 młn 664,4 tys.
