22 červienia ŭ lasnym masivie horada Hrodna niepadalok ad vulicy Dziaržynskaha było znojdziena cieła 24-hadovaha chłopca. Pavodle papiaredniaj viersii, małady čałaviek skončyŭ žyćcio samahubstvam.
Jak stała viadoma, pryčynaj suicydu stała niepadzielenaje kachańnie. Litaralna za hadzinu da incydentu chłopiec pakinuŭ u sacyjalnych sietkach pieradśmiarotnuju zapisku. U joj jon apisaŭ svarku sa svajoj dziaŭčynaj, jakaja, miarkujučy pa ŭsim, vyrašyła spynić ź im adnosiny. Heta i pasłužyła matyvam dla samazabojstva.
Apieratyŭnikam i sudmiedekśpiertam, jakija pracavali na miescy zdareńnia, udałosia vyjavić, što śmierć nastupiła ŭ vyniku miechaničnaj aśfiksii. Chłopiec paviesiŭsia na ramianiach u lasnym masivie.
Viadziecca śledstva. Siabry i znajomyja ŭspaminajuć chłopca jak viasiołaha, dobraha, spahadlivaha čałavieka.
