Fota z sajta buzzfeed.com
Na naradzie Minharvykankama pa pytańniach naviadzieńnia paradku ŭ pryvatnym siektary stalicy było padniataje pytańnie zabarony ŭtrymańnia sielskahaspadarčych žyvioł, pieradaje «Minsk-Naviny».
Źmieny ŭ praviły ŭtrymańnia terytoryj Minska, što praduhledžvali b zabaronu ŭtrymańnia karoŭ, kurej i inšych sielskahaspadarčych žyvioł, pakul tolki razhladajucca, kančatkovaje vyrašeńnie nie pryniataje.
Na naradzie było pryniataje rašeńnie da 10 lipienia zamacavać usie ziemli supolnaha vykarystańnia ŭ pryvatnym siektary za arhanizacyjami absłuhoŭvańnia dziela naviadzieńnia paradku. Rajonnym administracyjam daručana vyznačyć arhanizacyju, što praviadzie tendar pa pryznačeńni apieratara pa vyvazie śmiećcia.
Kvartały pryvatnaj zabudovy buduć rehularna abśledavać kamisii, u skład jakich vojduć pradstaŭniki sansłužby, ziemleŭparadkavalnaj słužby, RAUS, ekołahi, rajonnych adździełaŭ pa nadzvyčajnych situacyjach.
U novym hienpłanie Minsku pryniata nie znosić pryvatny siektar całkam. Ale siektary, što znachodziacca ŭzdoŭž asnoŭnych vulic, płanujucca da znosu dziela «nadańnia staličnaha abličča hetym terytoryjam». Znosicca buduć i damy, što zaminajuć budaŭnictvu novych daroh i stancyj mietro.
