Navukoŭcy Karalinskaha instytuta (Šviecyja) raspracavali štučnuju bijaelektronnuju kopiju niejrona, pra što raspaviali ŭ časopisie Biosensors and Bioelectronics.
Štučny niejron nie maje nivodnaj «žyvoj» častki, ale zdolny da toj ža funkcyi, što i čałaviečaja niervovaja kletka, dy kamunikuje takim ža sposabam.
Stvoranyja navukoŭcami «kibierkłony» niejronaŭ, jak i sapraŭdnyja niejrony, zdolnyja kanviertavać chimičnyja sihnały ŭ elektryčnyja i naadvarot. Z adnoj krynicy chimičnaha sihnału, talerački z rečyvam, aparat atrymlivaje infarmacyju, jakuju kanviertuje ŭ elektryčny sihnał, a zatym pieradaje infarmacyju ŭ druhuju taleračku praź niejramiedyjatar — rečyva pad nazvaj acetyłchalin. Uździejańnie niejramiedyjataru na arhanizm možna prasačyć.
Pakul što štučny niejron u dziasiatki tysiač razoŭ bolšy za sapraŭdny niejron (apošnija majuć pamiery cieła ad 3 da 130 mikramietraŭ). Navukoŭcy pakul nie dadali navat biespravadnoje dystancyjnaje kiravańnie štučnym niejronam.
Ale sam fakt kapijavańnia funkcyj niejronaŭ demanstruje patencyjał bijaelektronnych niejronaŭ u terapii: tearetyčna, jany zmohuć zamianić paškodžanyja niervovyja kletki i dapamahčy ŭ lekavańni źviazanych z takimi paškodžańniami chvarob.
Schiema: Karolinska Institutet
