U Biełarusi buduć pracavać tolki adkaznyja inviestary. Ab hetym Alaksandr Łukašenka zajaviŭ siońnia na ŭračystym schodzie, pryśviečanym Dniu Niezaležnaści Biełarusi.
«Uspaminaju rydańni asobnych hramadzian nakont niekatorych pasadak, jak jany pišuć, apošnim časam: aj, Łukašenka pasadziŭ, — adznačyŭ jon. — Tak budzie z usimi, chto pryjdzie na našu ziamlu nabić kišeni i źniščyć pracoŭnyja kalektyvy».
«Ja lubomu inviestaru, zachodniamu, unutranamu i ŭschodniamu, kažu adno: staŭciesia da našaj dziaržavy i našaha naroda jak da svajoj siamji. Nie budźcie sknarami, nie nabivajcie kišeni, dajcie spačatku što-niebudź ludziam, da jakich vy pryjšli i abiacali padaryć ščaście. Nie budzie hetaha - pracavać u nas nie budziecie i takija inviestycyi ŭ našu ekanomiku nam nie patrebny. My sami budziem spraŭlacca sa svajoj ekanomikaj», — padkreśliŭ kiraŭnik dziaržavy. «Pryjšli pracavać — pracujcie», — dadaŭ jon.
