U miechanazboračnym cechu № 2 Babrujskaha zavoda traktarnych detalaŭ i ahrehataŭ 1 lipienia zahinuŭ elektryk.
Jak paviedamiŭ rabotnik pradpryjemstva, niaščasny vypadak zdaryŭsia ŭ pieršaj pałovie rabočaha dnia, kali dva elektryki pryjšli praviarać hienieratary tokaŭ vysokaj častaty. «Adnaho adkinuła. Jon byŭ biez prytomnaści, doŭha jaho reanimavali, hadziny paŭtary, ale tak i nie pryviali ŭ prytomnaść», — raskazaŭ rabočy. Pavodle jaho słoŭ, na miesca zdareńnia vyjazdžali pradstaŭniki Śledčaha kamiteta.
Aficyjny pradstaŭnik USK pa Mahiloŭskaj vobłaści Aksana Salaniuk paćvierdziła infarmacyju ab hibieli čałavieka na Babrujskim zavodzie traktarnych detalaŭ i ahrehataŭ. Pavodle jaje słoŭ, ciapier tam pracuje śledča-apieratyŭnaja hrupa, jakaja vyśviatlaje ŭsie detali zdareńnia.
