Prezident Ukrainy Piatro Parašenka pradstaviŭ novapryznačanaha Staršyniu Słužby biaśpieki Ukrainy Vasila Hrycaka kiraŭnikam upraŭleńniaŭ, departamientaŭ, padraździaleńniaŭ SBU, paviedamlaje pres-słužba Piatra Parašenki Da hetaha času Hrycak pracavaŭ pieršym namieśnikam staršyni SBU.
Parašenka adznačyŭ važnaść aktyvizacyi pracy SBU pa efiektyŭnym supraćdziejańni złačynstvam suprać dziaržaŭnaści i terarystyčnym pahrozam. Asablivuju ŭvahu jon źviarnuŭ na baraćbu ź sieparatyzmam i pryvioŭ prykłady paśpiachovaj pracy SBU ŭ hetym kirunku.
«Kali ŭłada dziejničaje efiektyŭna, adrazu ž źnikaje bacyła sieparatyzmu, źnikaje matyvacyja padtrymlivać złačynnyja zamiežnyja režymy», — zajaviŭ Piotr Parašenka.
«Dla zabieśpiačeńnia dziaržaŭnaj biaśpieki Słužba maje znajści adekvatny adkaz na dziejańni aliharchaŭ, jakija sprabujuć finansavać «pryvatnyja armii» i destabilizavać situacyju ŭnutry krainy», — padkreśliŭ Piotr Parašenka.
U svaim słovie Staršynia SBU Vasil Hrycak zajaviŭ: «My budziem rabić usio, kab pierajści ad abiacańniaŭ da realnych vynikach, kab ukrainski hramadzianin adčuvaŭ siabie abaronienym». Pavodle jaho, časta ŭnutrany vorah macniejšy za vonkavaha, i Słužba zrobić usio dla taho, kab umacavać dziaržavu znutry.
Napiaredadni, 2 lipienia, Viarchoŭnaja Rada pryznačyła Vasila Hrycaka staršynioj Słužby biaśpieki Ukrainy.
Za adpaviednaje rašeńnie prahałasavali 340 deputataŭ. Suprać prahałasavaŭ adzin deputat, jašče 30 deputataŭ ustrymalisia.
Pradstaŭnik prezidenta ŭ Radzie zajaviŭ, što heta pradstaŭleńnie (u Radzie) «nie było lohkim» i abmiarkoŭvałasia z deputatami na praciahu čatyroch dzion «da poźniaj nočy», a taksama ŭ čaćvier ranicaj jašče da adkryćcia pasiadžeńnia parłamienta.
Tyja, chto vystupaŭ suprać kandydatury Hrycak, kazali ab nieprazrystaj sistemie propuskaŭ u zonie ATA i pra toje, što jon vałodaje vialikaj kolkaściu aŭtamabilaŭ, jakija nieviadoma dzie ŭziaŭ.
Hrycak zadekłaravaŭ aŭtamabil Tajota i matacykł (abodva transpartnyja srodki — 2013 h. vypusku). Za členami siamji novaha kiraŭnika SBU (to bok, za žonkaj) značycca lehkavy aŭtamabil «Łend Rovier» 2013 h. vypusku, a taksama try hruzaviki: dva «Falksvahieny» (2005 i 2008 hadoŭ vypusku) i «Miersiedes» (2004 h.v.).
Jak paviedamlałasia, Rada zvolniła papiaredniaha kiraŭnika SBU Valancina Nalivajčanku 18 červienia. Z takoj prośbaj da deputataŭ źviarnuŭsia Piatro Parašenka, čamu papiaredničaŭ skandał vakoł Nalivajčanki, u pryvatnaści z-za jaho kanfliktu z Hienprakuraturaj.
