3 lipienia kiraŭnik Adeskaj abłasnoj administracyi Michaił Saakašvili zasłuchaŭ dakład kiraŭnikoŭ adździeła ŭnutranaha aŭdytu i kiravańnia ŭzajemadziejańnia z pravaachoŭnymi orhanami, abaronnaj pracy, praduchileńnia i vyjaŭleńnia karupcyi. U chodzie hadzinnaj hutarki vyśvietliłasia, što realnych vynikaŭ baraćby z karupcyjaj za minuły hod niama, paviedamlaje sajt dumskaya.net
Tak, adździeł ŭnutranaha aŭdytu daŭ spravazdaču ab praviercy Raździalnianskaj rajadministracyi, pa vynikach jakoj było ŭstanoŭlena niametavaje vykarystańnie 1 młn hryŭniaŭ pry realizacyi abłasnych prahram. Niahledziačy na patok skarhaŭ na pracu centra administracyjnych pasłuh, vinavatych u parušeńniach aŭdytaram vyjavić nie ŭdałosia.
Što tyčycca ŭpraŭleńnia ŭzajemadziejańnia z pravaachoŭnymi orhanami, vyśvietliłasia, što za minuły hod pa vynikach jaho pracy nie byŭ pakarany nichto. Taksama ŭpraŭleńniu ŭdałosia naładzić uzajemadziejańnie z SBU, u pryvatnaści, dać śpiecsłužbie dostup da kamier nazirańnia.
Zasłuchaŭšy dakłady, Michaił Saakašvili pryniaŭ rašeńnie likvidavać hetyja padraździaleńni i zvolnić 20 supracoŭnikaŭ.
Hubiernatar paviedamiŭ, što maje namier pieradać funkcyi pa vyjaŭleńni karupcyi hramadskaści i hatovy pradastavić dla hetaha pamiaškańnie ŭ Adeskaj abłasnoj administracyi.
