U Hrodnie zatrymana 23-hadovaja miascovaja žycharka za hvałtoŭnyja dziejańni seksualnaha charaktaru ŭ dačynieńni da małaletniaha syna, a taksama vyrab i raspaŭsiud u internecie pornamateryjałaŭ ź jaho udziełam.
Padčas apieratyŭna-vyšukovych mierapryjemstvaŭ supracoŭniki hałoŭnaha ŭpraŭleńnia pa narkakantroli i supraćdziejańni handlu ludźmi MUS sumiesna z kalehami z UUS abłvykankama zatrymali žycharku Hrodna.
Z vykarystańniem veb-kamiery žančyna ŭ siabie doma vyrabiła i raspaŭsiudziła ŭ internecie videarolik z elemientami dziciačaj parnahrafii. U im adlustravany hvałtoŭnyja dziejańni seksualnaha charaktaru, učynienyja žančynaj u dačynieńni da małaletniaha syna 2008 naradžeńnia.
Raspačatyja kryminalnyja spravy pa č.3 art.167 KK (hvałtoŭnyja dziejańni seksualnaha charaktaru, učynienyja ŭ dačynieńni da zaviedama małaletniaha), jakaja praduhledžvaje pakarańnie ŭ vyhladzie pazbaŭleńnia voli terminam ad 8 da 15 hadoŭ, i č.3 art.343-1 KK (vyrab i raspaŭsiud parnahrafičnych materyjałaŭ abo pradmietaŭ parnahrafičnaha charaktaru z vyjavaj zaviedama małaletniaha), jakaja praduhledžvaje pakarańnie ŭ vyhladzie pazbaŭleńnia voli terminam da 13 hadoŭ z kanfiskacyjaj majomaści.
