Premjer-ministr Hrecyi Aleksis Cypras źviarnuŭsia da Jeŭrapiejskaha parłamienta z zajavaj, što kankretnyja prapanovy pa vychadzie ź finansavaha kryzisu buduć padadzienyja da zakančeńnia terminu, paznačanaha kredytorami.

Krainy jeŭrazony dali Hrecyi termin da čaćviarha, kab vyjści z novymi prapanovami, nieabchodnymi dla pahadnieńnia z kredytorami. Nastupny samit ES projdzie ŭ niadzielu.

Hetyja rašeńni pryniatyja paśla nadzvyčajnaj sustrečy lidaraŭ jeŭrazony ŭ Brusieli.

«Ja ŭpeŭnieny, što ŭ bližejšyja dva-try dni my zmožam vykanać našy abaviazacielstvy ŭ intaresach Hrecyi i ŭsioj jeŭrazony», - skazaŭ Cypras, vystupajučy ŭ Strasburhu na siesii Jeŭraparłamienta.

«Našy prapanovy pa finansavym zabieśpiačeńni našych abaviazacielstvaŭ i restrukturyzacyi doŭhu krainy nie zakranuć intaresy jeŭrapiejskich padatkapłacielščykaŭ», - padkreśliŭ Cypras.

Hrečaski premjer zaklikaŭ usie krainy Jeŭrasajuza pracavać razam, kab paźbiehnuć «padziełu Jeŭropy».

Prezident Jeŭrasajuza Donald Tusk, jaki vystupiŭ pierad hrečaskim premjeram, papiaredziŭ, što kali pahadnieńnie ab vypłacie doŭhu Hrecyjaj nie budzie dasiahnuta, heta moža pryvieści da bankructva Hrecyi i šerahu hieapalityčnych prablem u Jeŭropie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?