Arhanizatary fiestyvalu elektronnaj muzyki «Kosmas Naš», jaki «Naša Niva» prapanoŭvała siarod cikavych biełaruskich festaŭ hetaha leta, zajavili ab admienie mierapryjemstva.
«U vyniku čarady padziej, što možna nazvać dziejańniem niepieraadolnaj siły, u tym liku admieny vizitu hałoŭnaha chedłajniera fiestyvalu James Zabiela, nami było pryniataje rašeńnie admianić praviadzieńnie fiestyvalu «Kosmas naš» u hetym hodzie», — tłumačać arhanizatary.
Udakładniajecca, što ad praviadzieńnia festu ŭ nastupnyja hody arhanizatary nie admaŭlajucca.
Tym, chto ŭžo nabyŭ kvitki na «Kosmas naš», prapanujecca abmianiać ich biez dapłaty na «DJMag Top 100 World Tour» u «Čyžoŭka-Arenie», na jakim 28 listapada siarod inšych vystupić adzin z najlepšych dydžejaŭ śvietu, DJ Hardwell. Taksama hrošy za kvitki možna viarnuć u kasie TicketPro pa adrasie pr-t. Mašerava, 25.
