Treci śpiecyjalizavany kirmaš stokavych niecharčovych tavaraŭ adbudziecca kala Pałaca sportu 8-9 žniŭnia, paviedamili ŭ hałoŭnym upraŭleńni spažyvieckaha rynku Minharvykankama.
Na kirmašy sa skidkami da 70 pracentaŭ možna budzie nabyć šviejnyja, trykatažnyja, hałantarejnyja tavary, koŭdry, pledy, abutak dla ŭsioj siamji, a taksama pradukcyju hramadskaha charčavańnia.
Pieršy stokavy kirmaš prajšoŭ u Minsku ŭ vieraśni minułaha hoda. Jaho tavaraabarot skłaŭ Br1,6 młrd. Druhi anałahičny rasprodaž adbyŭsia kala Pałaca sportu 1-2 maja biahučaha hoda. U im pryniali ŭdzieł bolš jak 100 vytvorcaŭ pramysłovych tavaraŭ, było realizavana tavaraŭ na Br3,5 młrd. Pavyšanym popytam u pakupnikoŭ karystalisia šviejnyja vyraby pradpryjemstvaŭ «Kupalinka», «Alesia», «Śvitanak», «Elema», «Hałanteja», «BiełKreda», «Kalinka», «Biełaruski Centr Mody».
