abo Novaja biełaruskaja identyčnaść.
Prapanujem Vašaj uvazie padborku tekstaŭ, što vyjšli ŭ novym numary hazety «Naša Niva» u čarhovym vypusku eseistyki/krytyki/refleksij «Pra-bieł/Pra-śviet». Hetym razam jon pryśviečany pieramienam u biełaruskaj identyčnaści.
U nacyjanalnym charaktary pačali adbyvacca fundamentalnyja zruchi, ličyć sacyjolah Andrej Vardamacki. Aŭtar zadumlajecca nad pytańniem: kali biełaruski čałaviek mieŭ dobraje ekanamičnaje samaadčuvańnie apošnija dziesiać hadoŭ, čamu adbylisia masavyja pratesty ŭ 2006-m?
Sprava ŭ łamańni tak zvanaj «biełaruskaj talerantnaści» jak bazavaj rysy nacyjanalnaha charaktaru, jakaja «ŭ ciapierašniaj kankretna-histaryčnaj sytuacyi nabyła formu kanfarmizmu»... Čamu tak adbyłosia i jak siońniašniaja ŭłada trapiła va ŭłasnuju rejtynhavuju pastku — čytajcie ŭ artykule «Novyja mahčymaści dla novych patrebaŭ».
Siarhiej Chareŭski razhladaje prablemu źmieny identyčnaści praz pryzmu kultury. Jon razvažaje pra «dźviuchdušny biełaruski charaktar» i śćviardžaje, što biełarusy ŭ siońniašnim vyhladzie heta «ŭstojlivaja ŭ svaim isnavańni hrupa ludziej, što skłałasia ciaham apošnich dvuch z hakam dziesiacihodździaŭ, jakija ŭśviedamlajuć siabie jaje składnikami na padstavie samych roznych, čaściakom vypadkovych (najaŭnaść kalarytnaha PP RB) prykmietaŭ, što ŭsprymajucca imi jak etnavyznačalnyja». Pra toje, čamu biełarusy nie chryścijanskaja nacyja, jakija ŭ ich novyja tradycyi i etničnyja stereatypy — čytajma ŭ artykule «Naša novaja identyčnaść».
Nahladnaj ilustracyjaj da zakranutych prablemaŭ, relihijnaha, etničnaha i, kali možna tak skazać, haspadarčaha samavyznačeńnia budzie tekst Źmitra Łupača z Hłyboččyny «Kraina Pryhraničnaja Zona».
Śćvierdžańnie S. Chareŭskaha ab tym, što balšynia biełarusaŭ siońnia — ahnostyki, dalokija ad chryścijanstva, paćviardžaje vyklučeńnie z praviła — siamja Panasievičaŭ ź Bieraścia. Alena i Siarhiej — ščyryja i dziejnyja vierniki. Jany hadujuć troch synoŭ i va ŭłasnaj kvatery arhanizavali intelektualny klub. U prastornaj vitalni źbirajecca koła ich znajomych, zaprašajuć jany taksama filozafaŭ, piśmieńnikaŭ, ź jakimi cikava abmianiacca dumkami. Tematyka dyskusij nia spres relihijnaja, ale viera — ich nieadjemnaja častka. Ź siamjoj Panasievičaŭ hutaryć Natałka Babina.
Fotarepartaž Julii Daraškievič 3214 adlustroŭvaje kult siły, jaki naviazvajecca aŭtarytarnym režymam u jakaści adnoj z asnovaŭ.
A teatralny ahladalnik «NN» Alaksandar Fiaduta naviedaŭ spektakl «Biełaruś u fantastyčnych apaviadańniach» na Małoj scenie Kupałaŭskaha teatru. Sama pastanoŭka i asabliva ihra Hienadzia Aŭsiańnikava abudziła ŭ jaho vieru. «U našym darosłym žyćci tak mała dabryni: ludzi ŭ tralejbusach złyja, asabliva ŭviečary; televizar uklučać nia chočacca; specnaz chapaje chłopčykaŭ intelihientnaha vyhladu, što, nibyta, matam łajucca, i dziaŭčat, što baroniać honar svajoj chvoraj maci i aryštavanaha baćki. A tut, za dva kroki ad toj samaj Płoščy, jakuju rankam jašče atačali aŭtazaki, — takaja vyspa ciepłyni, piaščoty, utulnaści... I ci tamu, što raskazvaje hetuju kazku stary čałaviek, što dobra viedaje žyćcio, ci tamu, što i tut jon nikoha nie śpiašajecca asudzić, rasstralać, aryštavać, pryzvać da adkazu, — vieryš! Vieryš čamuści, što voś hetym razam zło abaviazkova zaznaje parazy».
❏
Kali chto choča atrymlivać papiarovuju hazetu štotydzień, dasyłajcie adrasy i hrašovyja pierakazy.
Paviedamlać svaje adrasy možna praz telefon, faksam, praz poštu ci elektronnuju poštu.
Telefony: (017) 284-73-29, (029) 260-78-32 (MTS), (029) 618-54-84, e-mail: [email protected], [email protected], paštovy adras: a/s 537, 220050 Miensk.
U blanku bankaŭskaha paviedamleńnia ci paštovaha pierakazu, kali łaska, dakładna i razborliva paznačajcie vaš adras, u tym liku paštovy indeks i kod padjezdu.
Z kožnym čytačom padpisvajecca damova. Jana zaklučajecca sama mieniej na 3 miesiacy. Pieralik hrošaj možna rabić jak i raniej.
Tyja, chto pierakaža 24 000 rubloŭ za raz, zabiaśpiečać vychad hazety na try miesiacy. Chto ž maje mahčymaść pierakazać 48 000 rubloŭ adrazu, zabiaśpiečać publikacyju «NN» adrazu na paŭhodu.
❏
Praviły padačy adrasoŭ
- Abaviazkova padavajcie indeks, bo ź indeksam hazeta dojdzie chutčej.
- Kali vy žyviacie ŭ vioscy ci ŭ miastečku, paznačajcie rajon i vobłaść.
- Nia treba dasyłać kvitok, pakińcie jaho ŭ siabie, heta vašaje paćvierdžańnie taho, što vy zrabili achviaravańnie.
- Razborliva padavajcie svaje źviestki.
- Atrymlivać hazetu možna ź luboha numaru, tolki paviedamicie ŭ Redakcyju svoj adras.
❏
Na jaki rachunak pieraličać hrošy?
Achviaravańnie možna pieravieści ŭ lubym adździaleńni banku, na luboj pošcie. Uličycie, što pry pierakazvańni hrošaj paštovym pieravodam pošta spahaniaje dadatkova 3 %, a pry pieravodzie hrošaj praź «Biełarusbank» pracentu nie biaruć.
Na bankaŭskaj kvitancyi ŭ hrafie «Vid płaciaža» treba paznačyć: «Za hazetu «Naša Niva».
U hrafie: «Atrymalnik płaciaža» treba pisać: PVUP «Surodzičy», UNP 190 786 828.
U hrafie «Najmienavańnie banku» treba pisać: «MHD AAT «Bielinviestbank», vuł.Kalektarnaja, 11, Minsk, kod 764».
U hrafie «Rachunak atrymalnika» — 3012 206 280 014. Pry pierasyłcy hrošaj pa pošcie toje samaje treba pisać u rubrykach «Kamu» i «Kudy».
Razdrukavać bankaŭskuju kvitancyju (pdf-fajł 38Kb, A4).
