Kryminalnaja sprava pa častcy 3 artykuła 317 KK (parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć troch asob), raspačata ŭpraŭleńniem Śledčaha kamiteta pa Viciebskaj vobłaści pa fakcie DTZ z udziełam matacyklista na Maskoŭskim praśpiekcie.
11 lipienia kala 0:20 chvilin 24-hadovy kiroŭca, ruchajučysia na matacykle marki YAMAHA YZF-R1 pa Maskoŭskim praśpiekcie z boku vulicy Pietrusia Broŭki ŭ kirunku praśpiekta Pieramohi, ździejśniŭ najezd na siamiejnuju paru, jakaja pierachodziła prajeznuju častku darohi pa nierehulavanym piešachodnym pierachodzie. U vyniku DTZ kiroŭca matacykła i piešachody — 27-hadovy mužčyna i 26-hadovaja žančyna — zahinuli, paviedamlaje aficyjny pradstaŭnik USK pa Viciebskaj vobłaści Ina Harbačova.
Na miesca zdareńnia nieadkładna vybyła śledča-apieratyŭnaja hrupa. Ahlad miesca pravodziŭsia z prymianieńniem mahčymaściej pierasoŭnaj kryminalistyčnaj łabaratoryi Śledčaha kamiteta, adnačasova byli apytanyja vidavočcy, pryznačanyja nieabchodnyja sudovyja ekśpiertyzy.
U vypadku, kali vy stali vidavočcam apisanaha darožna-transpartnaha zdareńnia i majecie jakija-niebudź źviestki abo videazapisy, što dapamohuć adnavić chadu zdareńnia, paviedamcie ab hetym pa telefonach (80212) 48-66-64 (adździeł pa rasśledavańni złačynstvaŭ suprać biaśpieki ruchu i ekspłuatacyi transpartu ) abo 102, albo pa adrasie: Viciebsk, praśpiekt Maskoŭski d.51a.
Akramia taho na miescy zdareńnia pabyvaŭ načalnik UUS Viciebskaha abłvykankama hienierał-major milicyi Viktar Siańko. Jon daŭ šerah daručeńniaŭ supracoŭnikam Dziaržaŭtainśpiekcyi i adznačyŭ, što dadzienaje DTZ budzie znachodzicca na jaho asabistym kantroli.
