U finale Uimbłdonskaha tenisnaha turniru amierykanka Sierena Uiljams pieramahła ispanskuju tenisistku Harbin Muhurusu i tym samym vyjhrała ŭsie čatyry mižnarodnyja turniry sieryi «Vialikaha šlema».
Hulnia zaviaršyłasia z vynikam 6: 4, 6: 4. U ahulnym liku hetaja pieramoha stała 21-j dla 33-hadovy tenisistki ŭ turnirach «Vialikaha šlema» i šostaj na Uimbłdonie.
Žanočy finał praciahvaŭsia 83 chviliny.
21-hadovaja Muhurusu hulała ŭ pieršym finale turniru «Vialikaha šlema».
U pieršym secie joj udałosia vyrvacca napierad 4:2, ale ŭ vyniku set jana prajhrała. U druhim secie, sastupajučy 5:1, joj udałosia adyhrać try hiejmy. Adnak zraŭniać lik joj usio ž nie ŭdałosia.
Kali Uiljams udasca pieramahčy na Adkrytym čempijanacie ZŠA pa tenisie, jana vyjhraje tak zvany kalandarny «Vialiki šlem» i paŭtoryć pośpiech Štefi Hraf, jakoj ŭ 1988 hodzie ŭdałosia vyjhrać usie turniry hetaj sieryi.
Taksama joj nie chapaje adnoj pieramohi, kab paŭtaryć pakazčyk Hraf, jakoj udałosia pieramahčy na 22 turnirach «Vialikaha šlema».
U niadzielu ŭ finale Uimbłdona siarod mužčyn sustrenucca pieršaja rakietka śvietu sierb Novak Džokavič i šviejcarac Rodžer Fiederer.
