Z pačatku leta aktyvizavaŭsia handal ŭzdoŭž aŭtamahistralaŭ. Padobnaja situacyja ŭjaŭlaje patencyjnuju niebiaśpieku jak dla samich pradaŭcoŭ, tak i dla ŭdzielnikaŭ darožnaha ruchu. Mienavita tamu supracoŭniki ADAI Krupskaha RAUS rehularna pravodziać rejdy pa vyjaŭleńni handlu ŭ niesankcyjanavanych miescach, paviedamlaje pres-słužba UUS Minabłvykankama.
uvd-mo.gov.by
Daroha Brest-Minsk-miaža RF litaralna absypanaja ludźmi, jakija sprabujuć zbyć svaju pradukcyju kiroŭcam, što prajazdžajuć mima. Adny handlary vystaŭlajuć tavary na stolikach, inšyja prosta staviać viodry, słoiki na ziamlu, trecija handlujuć prosta z aŭtamabilaŭ, pryčym u tych miescach, dzie stajanka aŭtatranspartu kateharyčna zabaronienaja.
«Siońnia heta surjoznaja prablema ŭ płanie darožnaj biaśpieki, — kaža načalnik adździaleńnia Dziaržaŭtainśpiekcyi Krupskaha RAUS, major milicyi Ihar Ivanoŭ. — U zaharadnych pajezdkach mnohija kiroŭcy nie prapuściać mahčymaści spynicca i kupić jahady, hryby, maładuju bulbu i inšuju pradukcyju z prysiadzibnych učastkaŭ hramadzian. Taki kiroŭca-pakupnik rezka spyniaje aŭtamabil la abočyny, nie zadumvajučysia, što jon moža pieraškodzić inšym. A trasa M-1 samaja ažyŭlenaja. Byvali vypadki, kali kiroŭcy i ich pasažyry pierabiahali darohu da pradaŭcoŭ i traplali pad koły. Nie kažučy ŭžo pra samich handlaroŭ, jakija taksama padviarhajuć siabie niebiaśpiecy».
Što ž tyčycca štrafaŭ, to dziejańni handlaroŭ razhladalisia jak zahruvaščvańnie aŭtadarohi, abočyny, pałasy advodu i inšych darožnych zbudavańniaŭ abo techničnych srodkaŭ rehulavańnia darožnaha ruchu, a taksama pahruzka i vyhruzka hruzu na prajeznaj častki, abočynie. Pradaŭcam-parušalnikam vypisali štrafy ŭ pamiery ad dvuch da piaci bazavych vieličyń. Tyja, chto ažyćciaŭlaŭ handal z aŭtamabila ŭ nieŭstalavanym miescy, parušyli praviła prypynku i stajanki transpartnaha srodku (štraf adna bazavaja vieličynia).
Padobnyja rejdy ADAI Krupskaha rajona pravodziać rehularna. Niaredka da ich dałučajucca i rabotniki padatkovaj słužby. U takim vypadku pradaŭcu mohuć dać nie tolki štraf, ale i kanfiskavać uvieś tavar.
