U Hrodnie pazbaviłasia licenzii na ažyćciaŭleńnie dziejnaści ŭ śfiery ihralnaha biźniesu i tym samym spyniła svaju pracu apošniaje kazino, raźmieščanaje na terytoryi vobłaści. Pra heta paviedamili ŭ pres-centry IMPZ pa Hrodzienskaj vobłaści.
Kazino pazbaviłasia svajoj licenzii ŭ lipieni ŭ suviazi z vyjaŭleńniem padatkovymi orhanami paŭtornaha na praciahu hoda parušeńnia licenzijnaha patrabavańnia i ŭmovy, što pradjaŭlajecca da licenzijata, jaki ažyćciaŭlaje dziejnaść u śfiery ihralnaha biźniesu. A mienavita — kazino paŭtorna na praciahu hoda dapuściła zapazyčanaść pa vypłacie padatku na ihralny biznes.
Na pačatku biahučaha hoda za takoje ž parušeńnie, dapuščanaje paŭtorna na praciahu hoda, licenzij pazbavilisia jašče 2 arhanizacyi ihralnaha biźniesu. Na dadzieny momant jany znachodziacca ŭ pracesie likvidacyi. Što tyčycca apošniaha kazino, to ŭ budučyni jano moža adnavić dziejnaść pry ŭmovie atrymańnia licenzii, paviedamili ŭ IMPZ.
U Hrodzienskaj vobłaści ŭ minułym hodzie dziejničali 3 kazino, usie jany raźmiaščalisia ŭ Hrodnie.