Sud pasiołka Kromy Arłoŭskaj vobłaści prysudziŭ da šaści miesiacaŭ hramadskich prac nastaŭnika i paeta Alaksandra Byŭšava, pryznanaha vinavatym u ekstremiźmie i raspalvańni nacyjanalnaj varožaści.
Pa rašeńni suda Byŭšavu, jaki vykładaŭ u miascovaj škole niamieckuju movu, taksama zabaroniena pracavać nastaŭnikam.
U sakaviku 2014 hoda paśla anieksii Rasijaj Kryma Alaksandr Byŭšaŭ napisaŭ dva vieršy, u jakich u rezkich vyrazach zaklikaŭ ukraincaŭ supraciŭlacca intervientam.
U ramkach zaviedzienaj na jaho kryminalnaj spravy była praviedziena linhvistyčnaja ekśpiertyza, jakaja nie vyjaviła ničoha kryminalnaha ŭ vieršach Byŭšava.
Adnak zatym była praviedzienaja jašče adna ekśpiertyza, zhodna ź jakoj vieršy ŭzbudžajuć nianaviść i varožaść da ruskich. Mienavita hetuju, paŭtornuju ekśpiertyzu sud dałučyŭ da spravy.
