Pradstaŭniki burackaj moładzi Rasii źniali videa, u jakim źviartajucca da ŭkrainskaha naroda. Na zapisie maładyja chłopcy i dziaŭčaty pa čarzie pramaŭlajuć frazy, jakija składajucca ŭ adziny tekst pasłańnia.
«My, bajavyja buraty Pucina, źviartajemsia da pierapužanych žycharoŭ Ukrainy. Vy nastolki paddalisia paranoi, što baiciesia svajho cieniu. Niekali braterskija narody robiacca dla vas vorahami. Vy budujecie zasłony, admaŭlajeciesia ad svajoj historyi, viedziaciesia na pravakacyi», – pierakanana kažuć maładyja ludzi.
Vidavočna, što fotazdymki i pakazańni burackich vajennasłužačych US RF nie zdajucca aŭtaram zvarotu praŭdapadobnymi: «Vam usiudy mrojacca to buraty, to ruskija, to čačency, to ahienty z HRU. Nibyta na vas apałčylisia ŭsie šmatlikija narody vialikaj Rasii… Kali b my byli na Ukrainie, to ŭsioj aliharchičnaj chuncie, jakaja padmanvaje i pałochaje ŭkraincaŭ, pryjšoŭ by kaniec», – zajaŭlajuć jany ŭkraincam.
Nie zmahli jany pakinuć biez krytyki i ŭkrainskuju ŭładu: «Bajacca treba tych, chto ŭzbrojenym šlacham pryjšoŭ da ŭłady, čyje dumki ŭžo daŭno na ŭźbiarežžy San-Francyska, a ruka dahetul u kišeniach pierapužanych ukraincaŭ».
Nu a Rasija, na ich dumku, ni ŭ čym nie vinavataja: «Rasii dakładna niavyhadny razryŭ miljonaŭ ekanamičnych i siamiejnych suviaziaŭ. Rasii patrebien mocny i samastojny susied».
«Buraty – dobryja, mocnyja i haścinnyja ludzi, jakija lubiać svoj kraj, svaju radzimu Rasiju i svajho lidara Uładzimira Pucina», – padsumoŭvaje dziaŭčynka na videa.
