Typovaja staronka «Biełaruskich hierojaŭ»
Bolš jak hod tamu 24-hadovy prahramist Aleh Chviadźkovič stvaryŭ sajt «Biełaruskija hieroi», raspaviadaje dev.by.
Na sajcie belarusianheroes.com Adam Mickievič «zafrendziŭ» Mieleža i Napaleona Ordu, a Branisłaŭ Taraškievič — Łastoŭskaha i Hienijuš. Jany rehularna publikujuć svaje fota, na ich staronkach možna pačytać pra važnyja padziei ź ich žyćcia.
Prajekt niekamiercyjny. Jak raspaviadaje Aleh, jon ź dziacinstva cikaviŭsia historyjaj. Prahramist byŭ uražany artykułam «Kamsamolskaj praŭdy» pra represii 30-ch hadoŭ — historyjaj pra toje, jak Ciška Hartny paśla dopytaŭ skončyŭ žyćcio samahubstvam, i zdymkami Maksima Hareckaha da i paśla katavańniaŭ NKVD.
Najpierš jon abraŭ dla sajta temu represavanych biełarusaŭ, ale paźniej dadaŭ piśmieńnikaŭ, artystaŭ, spartoŭcaŭ i navukoŭcaŭ, a taksama azdableńnie «pad sacsietku». Sumarna na siońnia nabrałasia 32 hieroi z detalovymi staronkami ŭ «sacsietcy».
Aŭtar «Biełaruskich hierojaŭ» raspaviadaje pra adsutnaść dapamohi ad muziejaŭ (chacia muzieju Kupały jon navat dapamoh ź biaśpiekaj — paraiŭ źmianić łahin i parol ad sajta z «admin — admin» na niešta bolš składanaje). Jon byŭ by rady dapamozie nieabyjakavych pa načynieńni sajta, pa dadańni na jaho histaryčnych i aktualnych padziej — naprykład, imprezaŭ, pryśviečanych hierojam.
Čytajcie vialikaje intervju stvaralnika «Biełaruskich hierojaŭ» na dev.by >>>