Biełaruskaja čyhunka z 15 lipienia bolš čym u dva razy źniziła košt prajezdu pa troch maršrutach u znosinach z Polščaj, paviedamili ŭ pres-słužbie BČ.
«Z metaj pavyšeńnia kankurentazdolnaści i pryvabnaści mižnarodnych pasažyrskich pieravozak Biełaruskaja čyhunka pa ŭzhadnieńni z čyhunačnaj administracyjaj Polščy z 15 lipienia ŭvodzić fiksavany košt prajezdu na ciahnikach pa maršrutach Hrodna — Biełastok, Hrodna — Ełk, Hrodna — Małkinija», — adznačyła pres-słužba.
U vyniku taryfny košt prajaznych dakumientaŭ ad Hrodna da Biełastoka i nazad pamienšycca ŭ 2,4 razu i składzie 120.155 biełaruskich rubloŭ pry kupli ŭ kasach BČ abo 7 jeŭra pry kupli za miažoj. Prajezd ad Hrodna da Ełka stanie tańniej u 2,7 razu i składzie 171.650 rubloŭ (za miažoj — 10 jeŭra), ad Hrodna da Małkinii — u 2,5 razu i taksama składzie 171.650 rubloŭ (10 jeŭra).
Ciapier pa nazvanych maršrutach kursirujuć dźvie pary ciahnikoŭ — № 193/196 Hrodna — Małkinija, № 191/192 Hrodna — Ełk.
