Buravaja ŭstanoŭka pierakuliłasia ŭ raku Zachodniaja Dźvina ŭ Viciebsku, u vyniku kiroŭca patanuŭ, paviedamili ŭ abłasnym upraŭleńni MNS.
Siońnia ŭ 13.50 u CAU Viciebskaha abłasnoha ŭpraŭleńnia MNS ad hałoŭnaha inžyniera Viciebskaha filijała MSU №5 RUP «Mostabud» pastupiła paviedamleńnie pra pierakulvańnie ŭ Zachodniuju Dźvinu buravoj ustanoŭki na šasi ZIŁ-131 u harpasiołku Ruba ŭ miežach Viciebska.
Pa prybyćci da miesca zdareńnia ratavalniki vyjavili, što pry praviadzieńni rabot pa bureńni śvidravin na bierazie kala budavanaha aŭtamabilnaha mosta praz raku mašyna źjechała ŭ vadu i pierakuliłasia na levy bok. U vyniku kiroŭca 1970 hoda naradžeńnia, žychar Salihorska, apynuŭsia zabłakavany ŭ aŭtamabili pad vadoj.
Cieła mužčyny zmahli dastać tolki paśla taho, jak asabovym składam MNS z pryciahnieńniem frantalnaha pahruzčyka Viciebskaha filijała RUP «Mostabud» buravaja ŭstanoŭka, jakaja naležyć hetaj arhanizacyi, była prypadniataja nad vadoj.
