Prezident Ukrainy Piatro Parašenka unios na razhlad u Viarchoŭnuju radu novy prajekt papravak u kanstytucyju, jakija tyčacca statusu Danieckaj i Łuhanskaj abłaściej.
Dapracavany varyjant dakumienta apublikavany na sajcie parłamienta. Jaho hałoŭnym adroźnieńniem ad aryhinalnaha zakonaprajekta, uniesienaha na razhlad 1 lipienia, zaklučajecca ŭ tym, što pałažeńnie ab asablivym statusie Danbasa ź pierachodnych artykułaŭ zakonaprajekta ab papraŭkach u kanstytucyju pieranieśli niepasredna ŭ tekst asnoŭnaha zakona krainy.
Rašeńnie źmianić tekst prapanavanych papravak było pryniata paśla vizitu va Ukrainu pamočnika dziaržaŭnaha sakratara ZŠA Viktoryi Nułand. Akramia taho, členy kanstytucyjnaj rady pryznali, što mižnarodnaja supolnaść patrabuje pryniać dakumient, kab zabiaśpiečyć vykanańnie minskich mirnych pahadnieńniaŭ.
Čakajecca, što ŭžo 16 lipienia Viarchoŭnaja rada razhledzić pytańnie ab pieradačy novaha prajekta papravak u kanstytucyju na razhlad kanstytucyjnaha suda. Kali toj nie znojdzie ŭ papraŭkach supiarečnaści kanstytucyi, zakonaprajekt razhledziać u dvuch čytańniach deputaty. Pry hetym u pieršym čytańni jon pavinien budzie atrymać 226 hałasoŭ, a ŭ druhim — 300.
Pieršapačatkovy varyjant dakumienta sutyknuŭsia z rezkaj krytykaj z boku samaabvieščanych respublik Danbasa, jakija zajavili, što prapanavany ŭładami Ukrainy varyjant decentralizacyi razychodzicca ź mirnymi damovami, zhodna ź jakimi Danieckaj i Łuhanskaj abłaściach pavinien być pradastaŭleny asablivy status.
