Samalot MH-17 byŭ źbity nad Danieckam hod tamu, 17 lipienia 2014 h.
Svajaki 18 pasažyraŭ samalota Malaysia Airlines, paciarpiełaha ŭ lipieni minułaha hoda krušeńnie ŭ zonie ŭzbrojenaha kanfliktu na ŭschodzie Ukrainy, padali ŭ amierykanski sud pazoŭ suprać adnaho z byłych lidaraŭ prychilnikaŭ samaabvieščanych respublik Danbasa Ihara Hirkina, bolš viadomaha jak Strałkoŭ.
Zajaŭniki śćviardžajuć, što «Boinh» byŭ pamyłkova źbity ź ziamli padčas vajskovaj apieracyi prychilnikaŭ samaabvieščanaj «Danieckaj narodnaj respubliki». Na dumku pazoŭnikaŭ, Hirkin, jaki nazyvaŭ siabie «ministram abarony DNR», kiravaŭ usimi takimi apieracyjami, i tamu niasie pramuju adkaznaść za toje, što zdaryłasia — niezaležna ad taho, ci byŭ samalot źbity pa jaho niepasrednym zahadzie ci nie.
U pazoŭnaj zajavie taksama havorycca, što Hirkin nibyta kaardynavaŭ svaje dziejańni z Maskvoj, a jaho padnačalenyja z uzbrojenych farmiravańniaŭ samaabvieščanaj DNR paśla padzieńnia łajniera zajmalisia maradziorstvam, vykraŭšy mnohija asabistyja rečy zahinułych pasažyraŭ. Sam Strałkoŭ-Hirkina vystaŭlenyja ŭ jaho adras abvinavačvańni pakul nie prakamientavaŭ.
U jakaści suadkaźnika vystupaje avijakampanija Malaysia Airlines, jakoj naležaŭ samalot. Pazoŭniki ličać, što pradstaŭniki kampanii taksama niasuć adkaznaść za hibiel ludziej, bo dapuścili chałatnaść pry płanavańni kursa samalota, prakłaŭšy maršrut praz zonu aktyŭnych vajennych dziejańniaŭ.
U pazoŭnaj zajavie nie ŭdakładniajecca suma kampiensacyi, jakuju patrabujuć pazoŭniki. Pry hetym ich advakat zajaviŭ brytanskaj haziecie Daily Telegraph, što havorka idzie amal pra miljard dalaraŭ.
Pazoŭ padadzieny ŭ Fiederalny sud Paŭnočnaj akruhi štata Ilinojs, raźmieščany ŭ Čykaha. Na dumku zajaŭnikaŭ, sprava adnosicca da jurysdykcyi amierykanskaha suda, bo Malaysia Airlines pracuje ŭ ZŠA, niekatoryja kvitki byli zabraniravany na terytoryi Złučanych Štataŭ, a amierykanskaje zakanadaŭstva dazvalaje razhladać učynienyja za miažoj vajennyja złačynstvy.
