Ministr abarony Vienhryi Čaba Chende abviaściŭ ab pačatku budaŭnictva ściany na miažy ź Sierbijaj, zaklikanaj spynić patok nielehalnych mihrantaŭ u krainu.
Pa słovach ministra, na budaŭnictvie, skončyć jakoje płanujecca ŭžo da 30 listapada, budzie zadziejničana 900 čałaviek. Vyšynia ściany składzie čatyry mietry, daŭžynia — 175 kiłamietraŭ.
U hetym hodzie ŭ Vienhryju nielehalna zajechali ŭžo bolš za 80 tysiač čałaviek, bolšaja častka ź jakich jedzie tranzitam dalej, u bolš bahatyja krainy Jeŭropy.
Pavodle dadzienych vienhierskaha infarmacyjnaha partała index.hu, urad Vienhryi płanuje zakryć usie łahiery biežancaŭ u haradach i arhanizavać namiotavyja miastečki ŭ sielskaj miascovaści.
Aficyjnaha paćvierdžańnia hetaj infarmacyi pakul niama.
0
0
0
0
0
0
