Ministry finansaŭ jeŭrazony pahadzilisia vydać Hrecyi kredyt na pakryćcio samych terminovych patreb.
Pa vynikach sustrečy ministry dasiahnuli pryncypovaha pahadnieńnia ab vydzialeńni Afinam brydž-kredytu ŭ 7 młrd jeŭra. Srodki buduć pieraviedzienyja ŭ ramkach Jeŭrapiejskaha miechanizmu finansavaj stabilnaści.
Adznačajecca, što rašeńnie pakul nie ŭstupiła ŭ siłu, bo jaho jašče pavinna zaćvierdzić Rada Jeŭropy. Čakajecca, što jaje rašeńnie budzie abvieščana ŭ piatnicu 17 lipienia.
Brydž-kredyt u 7 młrd jeŭra dapamoža Hrecyi svoječasova vykanać svaje abaviazacielstvy pa źniešnim doŭhu. U hetym miesiacy jany składajuć 3,5 młrd jeŭra. Pry hetym u dalejšym Afiny płanujuć atrymać kredyt u pamiery da 50 młrd jeŭra.
Pieramovy ab novym pakiecie finansavaj dapamohi dla Hrecyi adnavilisia paśla taho, jak parłamient krainy ŭchvaliŭ prahramu žorstkaj ekanomii. Pry hetym u pačatku miesiaca Afiny dapuścili techničny defołt, na fonie čaho paŭstała pytańnie ab vyklučeńni Hrecyi ź jeŭrazony.
