Biespracoŭny Juryj Šulhan, jaki raniej zajaŭlaŭ pra svaje prezidenckija ambicyi, admoviŭsia ad vyłučeńnia kandydatam u prezidenty ŭ suviazi z adsutnaściu ŭ pašparcie štampa ab rehistracyi.
Pra heta paviedamlaje jaho vybarčy štab.
Šulhan atrymaŭ novy pašpart niekalki dzion tamu, adnak dakumient vydadzieny biez adznaki ab rehistracyi pa miescy žycharstva. Vyśvietliłasia, što jon byŭ vypisany pa svaim raniejšym adrasie biez asabistaj prysutnaści jašče dzieviać hadoŭ tamu z farmuloŭkaj «źjechaŭ pa miescy vučoby». Miž tym u bazach dadzienych MUS Šulhan značycca, što pražyvaje mienavita tam. Adnak adnaŭleńniu raniejšaj rehistracyi «pieraškadžajuć roznyja abstaviny i biurakratyčnyja pracedury», adznačyli pradstaŭniki Šulhana.
U štabie paviedamili, što pošuk prymalnych varyjantaŭ pa rašeńni prablemy ŭ samyja karotkija terminy nie daŭ vynikaŭ, u suviazi z čym Šulhan vymušany źniacca ź pieradvybarnaj honki.
