Krušeńnie małajzijskaha avijałajniera «Boinh-777» ŭ Danieckaj vobłaści Ukrainy nie moža rasśledavacca mižnarodnym trybunałam z-za adsutnaści ŭsich nieabchodnych dla hetaha ŭmoŭ: dla stvareńnia trybunała patrebnyja «hienacyd i inšaje», ličyć vice-śpikier «narodnaj rady» samaabvieščanaj «Danieckaj narodnaj respubliki» Dzianis Pušylin.
«Adnosna mižnarodnaha trybunała pa «Boinhu» vielmi vyrazna vykazalisia Rasija. Dla stvareńnia mižnarodnaha trybunała jość šerah peŭnych patrabavańniaŭ. Adno z faktyčnych patrabavańniaŭ — heta sistematyčnaść złačynstva: hienacyd i inšaje. Da «Boinha» heta nijakim čynam prymacavać nie atrymlivajecca», — zajaviŭ Pušylin.
Taksama vice-śpikier narodnaj rady «DNR» adznačyŭ, što ŭłady «narodnaj respubliki» nie razhladajuć paviedamleńni ŚMI ab vynikach rasśledavańnia Niderłandaŭ, u jakich havorycca ab datyčnaści sieparatystaŭ da krušeńnia avijałajniera.
