Viersija, što Boinh 777 nad Danbasam źbili sistemaj «Buk» źjaŭlajecca samaj dastaviernaj, adnak razhladajucca i inšyja scenary. Pra heta ŭ intervju BBC zajaviŭ prakuror Niderłandaŭ Fred Viesterbiekie, jaki ŭznačalvaje rasśledavańnie.
«Heta nie adzinaja praŭdapadobnaja viersija (pra toje, što Boinh źbiŭ «Buk»), Ale heta samaja dastaviernaja viersija našaha rasśledavańnia. Pry hetym my pa-raniejšamu razhladajem i inšyja scenary. Adzin ź ich heta toje, što rakieta «Buk» była zapuščana ź inšaha rajona, inšaha miesca. Taksama my vyvučajem techničnuju mahčymaść viersii, što samalot moh być źbity rakietaj kłasa «pavietra-pavietra». Heta nieabchodna dla taho, kab pry praviadzieńni sudovych słuchańniaŭ my mahli pakazać, što inšyja viersii niesurjoznyja», — zajaviŭ Viesterbiekie.
Prakuror taksama skazaŭ, što rasśledavańnie jašče nie dajšło da etapu, kali źjaŭlajucca peŭnyja padazravanyja. «Viadoma, jość koła ludziej, jakija nas cikaviać, ale ciapierašni etap rasśledavańnia pakul nie dazvalaje pakazvać na kankretnych padazravanych», - adznačyŭ jon.
«Ja vielmi spadziajusia, što da kanca hoda my dasiahniem dastatkovych vynikaŭ, kab raskazać pra toje, što stała pryčynaj trahiedyi i, mahčyma, nam udasca ŭkazać na tych, chto niasie za heta adkaznaść», — dadaŭ Viesterbiekie.
