Siońnia, 17 lipienia, u Minsku na terytoryi byłoha aeraporta «Minsk-1» mieŭsia pačacca II adkryty čempijanat Biełarusi pa pavietrapłavalnym sporcie.
Ale tak i nie pačaŭsia. Spačatku čas palotu pieranosili z 18:00 da 20:00. Paśla ŭ natoŭpie chadzili čutki pra 22:00. Naprykancy chtości z arhanizataraŭ paviedamiŭ, što palot nie adbudziecca z-za klimatyčnych umovaŭ (pad viečar uźniaŭsia mocny viecier). Ludzi pačali razychodzicca.
Ludziej było kala dziasiatka tysiač. Ludzi pryjšli z maleńkimi dziećmi, z babulami i dziadulami.
Treba adznačyć słabuju arhanizacyju mierapryjemstva. Bolšaść ludziej padychodziła dzieści a 20-j, byli vialikija čerhi, a milicyja nastolki pilna abšukvała ludziej, što čakać svajoj čarhi prychodziłasia doŭha.
Na ŭsiu kolkaść ludziej stajała niekalki bijaprybiralniaŭ. U ludziej ničoha nie zastavałasia, jak stajać u čarzie, bo kali jany vyjšli b za miežy aeraportu, to mielisia być abšukanyja paŭtorna.
Ale ŭ čempijanata jość druhi šaniec. Zaŭtra z 07:00 da 07:30 budzie prachodzić ranišni palot na aeradromie Baravaja. Ale i tut jość niuans — pahladzieć na pavietranyja šary možna budzie tolki zdalok. Na terrytoryju aeradroma prostych ludziej puskać nie buduć.
A z 19:00 da 20:00 projdzie šou «Načnoje śviačeńnie», dzie kožny achvotny moža pahladzieć na pavietranyja šary u rajonie steły «Minsk — Horad-hieroj» na praśpiekcie Pieramožcaŭ.
Padrabiazny płan palotaŭ čempijanatu možna daviedacca ŭ aficyjnaj supołcy mierapryjemstva.