Pazačarhovyja vybary prezidenta Mižnarodnaj fiederacyi futboła projduć 26 lutaha 2016 hoda, paviedamlaje pres-słužba arhanizacyi.
Pazačarhovaje pasiadžeńnie vykankama FIFA, na jakim vyznačyłasia data vybaraŭ novaha prezidenta arhanizacyi, prajšło ŭ paniadziełak, 20 lipienia, u Ciurychu. Da vybaraŭ Jozef Błater, kirujučy arhanizacyjaj z 1998 hoda, budzie vykonvać abaviazki kiraŭnika FIFA.
Pavodle paviedamleńniaŭ ŚMI, na pasadu prezidenta FIFA buduć pretendavać brazilski trenier, zorka kłuba «Fłamienha» Zika, hanarovy vice-prezident Mižnarodnaj FIFA i były kiraŭnik Karejskaj futbolnaj asacyjacyi paŭdniovakarejec Čon Mandžun, prync Iardanii Ali bin al-Chusejn, jaki źjaŭlaŭsia kandydatam na post na papiarednich vybarach, a taksama prezident Sajuza Jeŭrapiejskich futbolnych asacyjacyj (UEFA) Mišel Płacini.
