«Ukrainski kanflikt pakazaŭ, što ABSIE znachodzicca ŭ surjoznym kryzisie», — zajaviŭ ministr zamiežnych spraŭ Biełarusi Uładzimir Makiej 21 lipienia na sustrečy ŭ Minsku ź dziejnym staršynioj ABSIE kiraŭnikom MZS Sierbii Ivicam Dačyčam.
Makiej padkreśliŭ, što prablema zaklučajecca ŭ adsutnaści davieru pamiž krainami — členami ABSIE. «Nieabchodna pravieści surjoznuju dyskusiju adnosna budučyni ABSIE, pierafarmatavańnie jaje struktury i dziejnaści, — ličyć kiraŭnik MZS Biełarusi. — Siońnia asnoŭnym pryncypam dziejnaści ABSIE źjaŭlajecca vystaŭleńnie niejkich pretenzij i abvinavačańniaŭ zhodna z pryncypam «ja maju racyju — ty nie maješ racyi». Naša ahulnaja zadača — damahčysia adychodu ad hetych uzajemnych abvinavačańniaŭ i pretenzij i znajści ŭzajemaabjadnalnyja asnovy dla dziejnaści ABSIE».
U suviazi z hetym, padkreśliŭ Makiej, Biełaruś poŭnaściu padtrymlivaje pryjarytety staršynstva Sierbii ŭ ABSIE, skiravanyja na stvareńnie adzinaj prastory biaśpieki ŭ arhanizacyi.
Makiej taksama adznačyŭ, što padčas siońniašniaj sustrečy baki abmianiajucca mierkavańniami nie tolki pa temie pracy ABSIE, ale i raźvićcia dvuchbakovych adnosin pamiž Biełaruśsiu i Sierbijaj. «Tut usio idzie pastupalna i prablem u nas niama», — skazaŭ jon.
Kiraŭnik ABSIE ŭ svaju čarhu zajaviŭ:» My vysoka cenim haścinnaść Biełarusi, jakuju jana akazała trochbakovaj kantaktnaj hrupie i jaje rabočym padhrupam, a taksama sadziejničańnie, jakoje Biełaruś zrabiła dla vyrašeńnia ŭkrainskaha kryzisu».
Dačyč adznačyŭ, što jaho vizit u Minsk arhanizavany «ŭ metach akazańnia padtrymki trochbakovaj kantaktnaj hrupie». «Siońnia budu ŭdzielničać u jaje pasiadžeńni paśla abiedu, kab padtrymać i padšturchnuć palityčny praces», — skazaŭ jon.
Kažučy pra dvuchbakovyja adnosiny ź Biełaruśsiu, kiraŭnik MZS Sierbii padkreśliŭ, što jany «raźvivajucca pa ŭzychodnaj».
«Chočam paćvierdzić padtrymku praciahu našaha supracoŭnictva va ŭsich śfierach, — skazaŭ Dačyč. — Sioleta naša supracoŭnictva praciahniecca vizitami na vyšejšym uzroŭni. Spadziajusia, što ekanamičny kryzis, jaki jość u śviecie, i sankcyi, uviedzienyja ŭ dačynieńni da Rasii, u ekanamičnym sensie nie paŭpłyvajuć surjozna na našy adnosiny».
