Alaksandr Łukašenka pryvioŭ francuzskaha akciora Žerara Depardjo na pole kala rezidencyi ŭ Astrašyckim Haradku, kab navučyć jaho navykam kaśby.
Łukašenka kasiŭ nie adzin, a razam sa svajoj tradycyjnaj «kamandaj». Kaho možna zaŭvažyć na videa, apublikavanym infarmacyjnym ahienctvam BiełTA?
Sprava naleva stajać: Mikałaj Łukašenka, doktarka kiraŭnika krainy Śviatłana Kanašenka, sam Alaksandr Łukašenka.
Nastupnyja za kiraŭnikom dziaržavy — Žerar Depardjo, tenisny trenier Siarhiej Ciacieryn, niejki francuz, jakoha Łukašenka kliča «Arno», a taksama čałaviek, padobny da Mikałaja Korbuta (pamočnika pa Minskaj vobłaści).
Narešcie, na niekatorych płanach źjaŭlajucca biznesmien Juryj Čyž (krajni sprava) i chakiejny trenier Michaił Zacharaŭ (krajni źleva).
«Publičnaja» kaśba, jakaja šyroka aśviatlajecca ŭ dziaržaŭnych ŚMI, maje na mecie padtrymlivać imidž Łukašenki jak «svajho chłopca», jaki, choć i zajmaje vysokuju pasadu, nie adryvajecca ad ziamli.
