Kiepler 452B va ŭjaŭleńni mastaka. Vyjava: NASA/JPL-Caltech/T. Pyle
NASA pradstaviła adkryćcio niezvyčajnaj ekzapłaniety. Tranślacyja pres-kanfierencyi prachodziła na Ustream, asnoŭnaja infarmacyja ź jaje pradstaŭlenaja na sajcie NASA.
«Siońnia my pradstaŭlajem adkryćcio ekzapłaniety, jakuju, jak my razumiejem, možna nazvać dastatkova blizkim rodzičam Ziamli. Samym blizkim za ŭvieś čas. Ziamla 2.0»,
— skazaŭ Džon Hranśfield, administratar dyrektarata misij NASA ŭ Vašynhtonie.
Płanieta maje nazvu Kiepler 452B. Jana znachodzicca ŭ 1400 śvietłavych hadach ad nas u suzorji Lebiedź. «Ziamli 2.0» 6 miljardaŭ hod (našaj «Ziamli 1.0» 4,5 młrd).
Ź siońniašnimi technałohijami daroha da Płutona zaniała 9 hod, daroha da Kiepler 452B zojmie takimi tempami 550 młn hod.
«Ziamla 1.0» (źleva) i «Ziamla 2.0» va ŭjaŭleńni mastaka. Vyjava: NASA/JPL-Caltech/T. Pyle
Jak raspavioŭ Džon Dženkins, hałoŭny analityk kamandy «Kieplera» daśledčaha centru Ejmsa, płanieta na 5% dalej ad svajoj zorki, čym Ziamla ad Sonca, i atrymlivaje ad jaje na 10% bolš enierhii. Jaje zorka maje tempieraturu, vielmi blizkuju da Sonca, na 20% bolš jaskravaja za jaho i na 10% bolšaja.
Kiepler 452B na 60% bolšaja za Ziamlu. Jaje arbita padobnaja da arbity Ziamli (navat praciahłaść hoda blizkaja da ziamnoj, 385 dzion), a jaje sistema padobnaja da našaj Soniečnaj sistemy.
Jaje masa pakul nieviadomaja, ale moža być u piać raz bolšaja za masu Ziamli. Płanieta chutčej za ŭsio kamianistaja. Pavodle analizu hieołahaŭ, na jaje pavierchni mohuć być aktyŭnyja vułkany. Mahčyma, na jaje pavierchni jość vada ŭ vadkim stanie.
«Ziamla 2.0» praviała ŭ «žyłoj zonie» miljardy hod. I jana, i jaje zorka, i jaje arbita vielmi padobnyja da našych umoŭ. Heta značyć, što na joj mahło ŭźniknuć arhaničnaje žyćcio.
Adnaznačnych śviedčańniaŭ pra isnavańnie na joj žyćcia nie atrymana.
Heta pieršaja znojdzienaja čałaviectvam płanieta z nastolki vysokaj imaviernaściu zaradžeńnia arhaničnaha žyćcia. Ahułam «Kiepler» znajšoŭ kala 4700 «kandydataŭ u ekzapłaniety» (toj fakt, što heta płaniety, jašče maje być paćvierdžany) i tysiaču płaniet, ź ich tuzin maje dyjamietry ad adnoha da dvuch ziamnych i znachodziacca ŭ «žyłoj» zonie, a vosiem abaročvajucca vakoł zorak, blizkich da Sonca pa pamierach i tempieratury.
Daśledavańnie płaniety Kiepler 452B pryniataje da publikacyi ŭ The Astronomical Journal.
Sistema Kiepler 452 u paraŭnańni z Soniečnaj sistemaj. Vyjava: NASA/JPL-CalTech/R. Hurt
Inšyja mahčyma padobnyja da Ziamli płaniety, viadomyja na siońnia. Vyjava: NASA/JPL-CalTech/R. Hurt
Płaniety ŭ «žyłoj» zonie va ŭjaŭleńni mastaka. Vyjava: NASA Ames/W. Stenzel
Chacia ni my, ni našy ŭnuki nie stupim na Kiepler 452B, padarožža na takija płaniety maje stać novaj metaj čałaviectva, kažuć pradstaŭniki NASA. Sam fakt isnavańnia Kiepler 452B daje nadzieju na adkryćci navat bližejšych i navat bolš padobnych da Ziamli płaniet.
