Ruskaja pravasłaŭnaja carkva źviarnułasia da ŭładaŭ Sankt-Pieciarburha z prośbaj pieradać joj u biazvypłatnaje karystańnie Isakijeŭski sabor, jaki źjaŭlajecca ciapier muziejem-pomnikam.
wikimedia.org
Heta paćvierdziła kiraŭnica siektara kamunikacyj pry infarmacyjnym adździele Sankt-Pieciarburhskaj jeparchii RPC Natalla Radamanava.
Dyrektar muzieja-pomnika «Isakijeŭski sabor» Mikałaj Buraŭ skazaŭ, što byŭ u adpačynku i nie viedaŭ pra hety krok carkvy.
Buraŭ skazaŭ, što «pieradača RPC moža niehatyŭna adbicca na stanie Isakijeŭskaha sabora»: rezka zamarudziacca tempy darahoj restaŭracyi, sabor stanie mienš dastupnym dla haradžan i turystaŭ.
Zvarot jeparchii znachodzicca na razhladzie ŭ adździele pa suviaziach z relihijnymi arhanizacyjami administracyi Sankt-Pieciarburha, napisaŭ u «Tvitary» pres-sakratar hubiernatara Hieorhija Pałtaŭčanki Andrej Kibitaŭ. Pavodle jaho słoŭ, rašeńnie pakul nie pryniataje.
Pytańnie pieradačy Isakijeŭskaha sabora vyvučaje taksama kamitet pa kultury Sankt-Pieciarburha, skazaŭ jaho kiraŭnik Kanstancin Suchienka.
Staršynia kamisii pa kultury Zakanadaŭčaha schodu horada Maksim Reźnik, jaki ranicaj u čaćvier paviedamiŭ pra zapyt RPC, maje namier inicyjavać razhlad pytańnia ŭ haradskim parłamiencie.
Rasiejskija ŚMI paviedamlali, što RPC pretenduje i na inšyja viadomyja kultavyja budynki Sankt-Pieciarburha, u pryvatnaści, Smolny sabor i chram Spasa na Kryvi.
