fota Dźmitryja Bruško, Tut.by
U subotu, 25 lipienia, umovy nadvorja na terytoryi Biełarusi ŭ asnoŭnym budzie vyznačać vobłaść pavyšanaha atmaśfiernaha cisku, dniom u paŭdniovych rajonach krainy adabjecca ŭpłyŭ ciopłaj niaŭstojlivaj pavietranaj masy. Čakajecca pieramiennaja vobłačnaść. Pieravažna biez apadkaŭ, tolki dniom miescami pa paŭdniovym zachadzie krainy projduć karotkačasovyja daždžy, mahčymy navalnicy. Viecier paŭnočny, dniom ź pierachodam na paŭdniova-ŭschodni ŭmierany, pry navalnicach paryvisty.
Tempieratura pavietra minimalnaja nočču ad + 8°S pa poŭnačy da + 16°S pa poŭdni, maksimalnaja dniom 23.. + 29°S, u paŭdniovych rajonach +30.. + 33°S. Atmaśfierny cisk nočču istotna nie źmienicca, dniom budzie padać.
U niadzielu, 26 lipienia, nadvorje budzie vyznačać sistema aktyŭnych atmaśfiernych frantoŭ, jakija pieramiaščajucca z paŭdniovaha zachadu Jeŭropy; na ŭschodzie krainy adabjecca ŭpłyŭ vielmi ciopłych pavietranych mas mižziemnamorskaha pachodžańnia. Nočču miescami, dniom na bolšaj častcy projduć karotkačasovyja daždžy, prahrymiać navalnicy; dniom u asobnych rajonach projduć mocnyja daždžy, mahčymy hrad, miescami pry navalnicach mocny paryvisty viecier.
Tempieratura pavietra minimalnaja nočču składzie 14.. + 21°S, maksimalnaja dniom 23.. + 29°S, pa zachadzie 19.. + 22°S, pa ŭschodzie 30.. + 35°S.
Pačatak nastupnaha pracoŭnaha tydnia tempieratura źlohku panizicca: vialikaja častka krainy apyniecca pad upłyvam vobłaści pavyšanaha atmaśfiernaha cisku, jakija źmiaščajucca z Zachodniaj Jeŭropy, tolki na ŭschodzie krainy nadvorje budzie vyznačać małaruchomy frantalny raździeł.
U paniadziełak, 27 lipienia, nočču pa ŭschodniaj pałovie, dniom u paŭdniova-ŭschodnich rajonach projduć karotkačasovyja daždžy, miescami prahrymiać navalnicy. Tempieratura pavietra minimalnaja nočču 7.. + 14°S, pa ŭschodzie +15.. + 19°S; maksimalnaja dniom +20.. + 26°S, pa poŭdni da + 28°S.
