Lidar litoŭskich kansiervataraŭ i jeŭraparłamientaryj Habryelus Łandśbierhis, jaki ciapier znachodzicca va Ukrainie, prapanuje Ukrainie, Małdovie i Hruzii stvaryć sumiesny vajenny bataljon.
«My sami pierad ustupleńniem u NATO aktyvizavali rehijanalnaje supracoŭnictva, stvaryli bataljony: Litvy i Polščy, Litvy, Łatvii i Estonii. I ja miarkuju, što padobnym čynam mahli b supracoŭničać i Ukraina, Małdova i Hruzija, dakazvajučy tym samym, što dziaržavy zdolnyja hladzieć šyrej, nie tolki ŭ płanie svaich nacyjanalnych intaresaŭ, što jany zdolnyja damovicca pamiž niekalkimi dziaržavami», — skazaŭ Łandśbierhis u piatnicu radyjostancyi Ziniu radijas.
Pavodle jaho słoŭ, jon abmiarkoŭvaŭ hetuju ideju ź ministram zamiežnych spraŭ Ukrainy. Jon ličyć, što Litva mahła b stać prykładam i padzialicca svaim dośviedam. Łandśbierhis u piatnicu sustreniecca z prezidentam Ukrainy Piatrom Parašenkam.
Ukraina, Małdova i Hruzija ŭdzielničajuć u prahramie Jeŭrasajuza «Uschodniaje partniorstva» i śćviardžajuć, što adčuvajuć cisk z boku Rasii.
